Нывкæнынады аивады камерон равдыст «Ирыстоны комулæфт» байгом Цæгат Ирыстоны театралон аивады Музейы. Бахастой йæм хистæр æмæ астæуккаг фæлтæры нывгæнджыты куыстытæ. Экспозицийы фенæн ис  Челæхсаты Магрезы, Хетæгкаты Хъазыбеджы, Быдтаты Азæйы, Дзантиаты Юрийы, Бедойты Шалвайы, Юрий Федоровы æмæ Уалыты Захары уацмыстæ. Уыдоны хсæн - ирд пейзажтæ, портреттæ, театралон декорациты эскизтæ. Алы нывæн дæр ис йæхи энерги. Автортæ пайда кæнынц алыхуызон, æмæ абарæн кæмæн нæй, ахæм приемтæй. Уыдон бирæ азты дæргъы дисы æфтауынц аивадуарзджыты. Нывтæ æвæрд сты музейы фонды. Уыдон фенын - нымад у стыр æхсæзгондзинадыл. Уымæ гæсгæ ацы равдыстæн ис стыр нысаниуæг. Ардæм цымыдисимæ æрбацæуынц куыд республикæйы цæрджытæ, афтæ туристтæ дæр. Нывкæнынады мастертæ сты Дзанайты Азанбеджы номыл Дзæуджыхъæуы аивадон училищæйы æмæ Хетæгкаты Къостайы номыл Цæгат Ирыстоны паддзахадон университеты аивæдты факультеты зындгонд педагогтæ. Уымæ гæсгæ экспозици фенынмæ æрбацæуынц студенттæ дæр. Цæгат Ирыстоны нывгæнджыты Цæдисы кадджын уæнгты куыстытæ фенæн уыдзæн æртæ мæйы дæргъы.