Мариинаг театры филиалы 9-æм сезон æхгæд æрцыд. Традицимæ гæсгæ, артисттæ отпускы ацыдысты кадджын уавæры. Мариинаг театры дирижер Гугкаты Зауырбег, оперæйы раззагдæр солисткæ Мария Баянкина æмæ пианисткæ Хадижа Исрапил оркестримæ иумæ сезонæн фæндараст загътой симфонион музыкæйы ирд концертæй. Аивадуарзджытæ байхъуыстой зындгонд композиторты уацмыстæм.  Ацы изæр азæлыдысты Сергей Рахманиновы симфонион кæфтытæ, Рихард Штарусы сопранойæн цикл "Четыре последние песни", стæй Бела Бартокы 3-аг концерт фортепианойæн оркестримæ.