Проект "Фермеры скъола"-йæн райдыдта йæ 5-æм сезон. Уый тыххæй йæ телеграм-каналы фехъусын кодта республикæйы Сæргълæууæг. Программæйы куысты мгъуыдмæ ахуырад ацыдысты 120 адæймаджы. Се хсæн сæрмагонд æфсæддон операцийы 30 архайæджы æмæ сæ бинонтæ. Ног сезоны куыст цæудзæн дыууæ хуызы: "Фермерон хæдзарад саразын" æмæ "Фермерон кæсагдарынад". Скъолайы архайджытæн кæсдзысты лекцитæ æмæ практикон ахуыртæ Хæххон паддзахадон аграрон университеты, эксперттимæ фембæлдтытæ æмæ ма базонгæ уыдзысты республикæйы агропромышленнон комплексы раззагдæр куыстуæттимæ.