Теркаг станицæ сси хъазахъхъаг зарæджы 2-аг фестивалы центр. Иу сценæйы фембæлдысты районы хуыздæр сфæлдыстадон къордтæ æмæ ансамбльтæ. Ацы фестиваль у æхсызгон традици, бындур та йын сæвæрдта республикæйы Алайнаг хъазахъхъаг æхсæнад. Форумы нысан - фыдæлты хæзнатæ бахъахъхъæнын æмæ сæ æрыгон фæлтæр - æвзонг хъазахъхъæгтæм радтын. Зарæджы бæрæгбонмæ се вæрæн бахæссынмæ станицæ бабæрæг кодта "Теркаг хъазахъхъæгты" паддзахадон ансамбль.  Фестивалы фæлгæты адæмы размæ рахастой хъазахъхъæгты музейы экспозици, культурон артефакттæ æмæ ивгъуыд æнусты документтимæ. Станицæйы цæрджытæ сæ хъахъхъæнынц цæстгагуыйау.