Дзæуджыхъæуы минæвæртты æмбырды депутаттæ парти «Иугонд Уæрæсе»-йæ сбæлвырд кодтой, Терчы былгæроны цалцæггæнæн куыстытæ куыд æххæстгонд цæуынц, уый. Мониторинг арæзт æрцыд партийы адæмон программæмæ гæсгæ. Ныртæккæ зылд цæуы 2 уаццагмæ – Кировы уынгæй Чкаловы онг æмæ Кольбусы уынгæй Чапаевы уынджы онг. Иумæйаг фæзуат у – 12 мин квадратон метры бæрц. Куыстытæ цæуынц муниципалон программæ «Аивдзинад æмæ цъæх фæлыст»-мæ, стæй «Æнцонвадат горæты тыгъдад аразыны» федералон программæмæ гæсгæ. Депутаттæн радзырдтой, боныхъæд нысангонд фæткмæ ивдзинæдтæ кæй бахаста, фæлæ специалисттæм ис, алцыдæр афоныл, ома, ацы азы кæронмæ конд кæй æрцæудзæн, уый ныфс. Горæты администрацийы минæвæрттæ ма загътой, Терчы былгæрон аив кæныны куыст дарддæр æххæстгонд кæй цæудзæн иннæ уаццагтыл дæр.