Цæгат Ирыстоны ахуыргæнæндæтты фæзынди патриотон хъомылады фарстаты фæдыл æххуысгæнæджы куысты бынат. Ууыл ныхас цыди æрвылкъуырион аппаратон æмбырды. Республикæйы сæргълæууæг Сергей Меняйло бахæс кодта, проект æрмæст скъолаты нæ, фæлæ уæлдæр ахуыргæнæндæтты дæр бафæлварын. Куыд фæнысан кодтой, афтæмæй цæмæй фæсивæды хсæн патриотон хъомылад парахат кæна, уый тыххæй кусын хъæуы сæрмагонд æфсæддон операцийы архайджытимæ иумæ. Æмбырды ныхас цыди республикæйы эпидемиологон уавæрыл дæр.