Евгений Вахтанговы номыл академион уырыссаг театры уыд радон премьерæ. Ацы хатт дзы равдыстой Александр Островскийы пьесæмæ гæсгæ æвæрд спектакль "Снегурочка". Йæ режиссер у Хъæрджынты Изабеллæ. Спектаклы хъайтартæ сценæйы архайынц Чайковскийы æмæ Римский-Корсаковы алæмæты музыкæмæ. Театрдзауты размæ рахæссынц рагон Уырысы дуне. Постановкæ ма цымыдисаг уымæй у, æмæ дзы архайы театры æнæхъæн труппæ – 50 адæймагмæ хæстæг.