Сывæллæтты æмæ фæсивæды курдиæттæ бæрæг кæныны, æххуысы æмæ райрæзты республикон центр "Вершина"-йы арæзт æрцыд ахуырадон хиуынаффæйады лидерты форум. Архайдтой дзы 60 скъоладзауæй фылдæр республикæйы æппæт районтæй. Ахуырадон хиуынаффæйады нысан у – скъоладзауты домæнты æмæ хъуыдыты реализаци ахуыргæнæндæтты. Форум фыццаг хатт арæзт æрцыд. Мадзал æххæстгæнгæйæ, ахуырдзаутæ базыдтой кæрæдзийы фæлтæрддзинад, бацæттæ сын кодтой тематикон фæзтæ дæр.