Уæрæсейы æххæстгонд цæуы æфсадмæ сидыны фæззыгон кампани. Йæ хатдзæгтæм гæсгæ Цæгат Ирыстонæй нæ бæстæйы æфсæддон хæйттæм арвитдзысты 700 адæймаджы онг. Республикæйы фылдæр кæны гриппæй æмæ æхснырсæгæй рынчынты нымæц. Эпидемиологон къæпхæн Дзæуджыхъæуы ахызт 31 процентæй. Бирæ рынчынтæ ис сывæллæтты хсæн. Цæгат Ирыстоны скъоладзаутæ сæ зонындзинæдтæ фæлварынц бизнесы къабазы. Амалхъомдзинады регионалон кейс-чемпионат цæуы Национ наукон библиотекæйы.