Мæздæггаг къох кæй хонынц, уыцы парчы комплекс "Победа"-йы территорийы фæзынд уырыссаг абеты Аллейæ. 33 дамгъæйы – 33 талайы. Ацы цымыдисаг хъæппæрис сæрмагондæй скъоладзаутæн царды рауагъта национ-культурон æхсæнад "Русь"-ы мæздæггаг хайад. Акцийы архайджытæй алкæцыйæн дæр фадат уыд йæ номы фыццаг дамгъæ равзарынæн æмæ кæрз бæласы тала ныссадзынæн. Ацы мадзалæн канд экологон нысаниуæг нæ уыд. Арæзт æрцыд, æппæтуæрæсеон акци "Тоталон диктант" æххæст кæнгæйæ.