Алагиры фыццаг библиотекæйы арæзт æрцыд номарæн изæр "Æнæмæлгæ дунемæ ацæуæг". Баст уыд, Баситы Чабæханы æмæ Хацъæты Ксенияйы трагикон амæлæты 80 азы бонимæ. Ацы хъæбатыр æмæ ныфсхаст сылгоймæгтæ равдыстой фидар удыхъæд æмæ не сразы сты немыцаг фашисттимæ æмгуыстад кæныныл. Кæй зæгъын æй хъæуы, уыцы цау сын фыдгæнджытæ нæ ныххатыр кодтой, æмæ сæ амардтой. Номарæн акци саразыныл бакуыста библиотекæты историон клуб " Гуырæнты" разамонæг Лаура Касимова.