Национ наукон библиотекæйы байгом Мæздæджы нывкæнынады скъолайы хъомылгæнинæгты куыстыты равдыст. Бацæттæ йæм кодтой сывæллæтты Æппæтуæрæсеон конкурсты лауреатты æмæ уæлахиздзауты нывтæ. Зæгъдзыстæм ма уый дæр, æмæ Мæздæджы аивадон скъола нымад у нæ республикæйы рагондæр ахуыргæнæндæттæй иуыл. Бындур ын æвæрд æрцыди 60 азы размæ. Йæ рауагъдонтæй 250 адæймагæй фылдæр систы профессионалон нывгæнджытæ, дизайнертæ, архитектортæ æмæ аивадиртасджытæ.